Според претходните информации, новиот тренер на Фенербахче, Жељко Обрадовиќ, сакаше неговиот сонародник да ја организира играта на турскиот гигант, а поради тоа што платите на двајцата кошаркари се слични, опцијата „трејд“ беше реална.
Сепак, српскиот кошаркарски интернационалец кој пред неколку недели одби понуда од НБА-лигата, од таборот на Мемфис „Гризлис“, вредна 6 милиони долари, повторно ќе се обиде со „Армејците“ да ја освои Евролигата.
„Го комплетиравме тимот за наредната сезона. Теодосиќ останува меѓу црвено-сините воини“, стои на официјалната интернер-страница на ЦСКА.
26-годишниот плејмејкер поради повреда на мускул на ногата ја пропушти завршницата на минатата сезона, во која во елитниот континентален клупски ранг просечно бележеше по 12,7 поени и речиси 5 асистенции на натпревар.
Како и да е, доколку нашиот Мекејлеб остане во Турција, двата тима следната кампања во Евролигата ќе ја почнат во иста група, а покрај нив во друштвото се и Партизан, Барселона, Будивељник и Нантер.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
