Ова сигурно не е прва ваква песна на Тамара, но е најнова. „Fight for your love“ е снимена во скопското студио „Торус“ заедно со продукцискиот тим „Phonix“ (Александар Митевски/Давор Бојанов). Песната веќе се врти по македонските радија, а тимот е во преговори со неколку интернационални музички издавачки куќи за нејзино издавање и пласирање на европски топ листи.
И Викторија Лоба сними англиска песна која се најде на врвот на листата на холандската продуцентска куќа „Spinnin’ Records“. Песната „Summer Love“, благодарение на гласовите на обожавателите на Лоба стигна на првото место во конкуренција од 300 светски песни.
Неодамна, Рената Кралевска стана првата Македонка со свој профил на една од најпрестижните музички видеомрежи која е под контрола на најголемите светски музички продукции. Нејзиниот прв видеоспот за актуелната песна „Please Stay“, кое својата официјална промоција ќе ја доживее на нејзиниот канал на „Јутјуб“ „Rennata VEVO“ следниот месец.
Рената го напиша текстот и на првата песна, исто така на англиски јазик, за „The Sound Messangers“, триото составено од диџеј Ерик Фокс, пејачката Симона Попоска и саксафонистот Љупчо Станковски. Музиката и аранжманот на „Love me“ се дело на Ерик Фокс, а за продукцијата се погрижија Роберт Билбилов и Снупи.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
