Јунакот на Германците, Марио Гетце го опиша моментот кога во 113 минута од натпреварот со Аргентина постигна гол со кој панцирите ја освоија четвртата титула светски првак.
– Ова е неверојатно чувство. Не знам како да го опишам. Во тој момент само шутнав и не знаев што се случува. Кога топката заврши во мрежата не знаев што со себе, изјавил популарниот Супер Марио.
Гетце вели дека е горд на сите свои соиграчи.
– Ова за мене беше тешко натпреварување. Многу им должам на семејството, на девојката кои секогаш веруваа во мене. Сонот стана стварност, изјави тој.
