Колумбискиот виртуоз Џејмс Родригес игра импресивно на мундијалот во Бразил, неговиот гол против Уругвај веријатно е најубавиот досега на турнирот, а добрите настапи на 22-годишниот играч за врска ги привлекоа Реал Мадрид и Барселона. Шпанските гиганти се интересираат за ангажман на фудбалерот на Монако и на колумбиската селекција, а битката веќе започна.
Надежите на Реал и на Барселона ги подгра самиот Родригес со изјава дека сонува да игра во Шпанија, а вели дека му е сеедно дали тоа ќе биде Реал или Барселона. Цената на и онака скапиот играч порасна драстично по импресивните игри на мундијалот, а Монако за него плати 40 милиони евра при трансферот на Џејмс од Порто во кнежевството.
Родригес моментно е прв стрелец на мундијалот со 5 погодоци, а Колумбија ќе игра четвртфинален меч против домаќинот Бразил.
