Во групата Б на светското првенство во фудбал во Бразил, репрезентацијата на Холандија со максимален ефект со три победи од три меча ја заврши на првото место. Денешната жртва беше репрезентацијата на Чиле која ја совлада со 2-0. Овој натпревар директно одлучуваше за првото место, но „лалињата“ не оставија ништо на случајот и со двата гола во втортото полувреме го совладаа денешниот противник кој и покрај поразот успеа да се пласира во осминафиналето.
Во првиот дел немаше сериозна шанса за да се затресат мрежите на двата тима, совен неколкуте полушанси на Робен. Против Чиле не настапи првиот центарфор на тимот Робин Ван Перси поради два жолти картони. Стрелци на головите беа Фер во 77 минута и Депај Мемфис во судиското продолжение по одличната контра на Аријан Робен.
Fer Goal Netherlands vs Chile 1 -0 World Cup… by edi-qrz11
Во вториот натпревар од групата Б кој немаше никакво резултатско значење актуелниот светски шампион Шпанија ја победи Австралија со 3-0. Шпанија и покрај победата го заврши настапот на ова светско првенство по поразите од Холаднија и Чиле во првите две кола. Стрелци за „црвената фурија“ беа Давид Виља во 36 минута, Фернандо Торес погоди во вториот дел во 69, додека конечните 3-0 ги постави Хуан Мата во 82 минута.
Од групата Б Холандија и Чиле одат понатаму и ги чекаат своите противници во осминафиналето од групата А која разврската за првите две места ќе ги има вечерва во 22 часот.
