Првиот голман на шпанската репрезентација Икер Касилјас разочаран од елиминацијата побара прошка од навивачите на „Црвената фурија“.
– Кога на Светско првенство ќе ги загубите првите два натпревара, тогаш сè е јасно. Бараме прошка од навивачите. Се обидовме повторно да ги направиме среќни, но не успеавме. Многу ни е тешко поради тоа. Сите сме разочарани – истакна Касилјас.
Тој по синоќешниот пораз од Чиле рече дека сè уште не знае дали ќе си замине од репрезентацијата.
– Дали е ова мојот последен репрезентативен настап? Не знам, ќе видиме. Овој состав не заслужува ваков крај. Сега мораме да ја победиме Австралија, а честитки за Чиле, кој заслужено оди во следната фаза. Тоа е фудбалот. Некогаш се победува, ама и се губи – додаде Касилјас.
