Голманот и капитен на шпанскиот национален тим Икер Касиљас е длабоко разочаран по синоќешниот тежок пораз (5-1) од Холандија на почетокот на Светското првенство.
Како што повеќето оценија, за дебаклот во голема мера е заслужен токму тој и неговата низа на лоши реакции, особено за вториот гол на Робин ван Перси, кому буквално ја подаде топката пред својата гол.
– За почеток морам да се извинам. Ова беше најлошиот меч во мојата кариера. На сите ни е жал. Холандија одигра многу добро, а ние сосема спротивно. Меѓутоа, понекогаш е добро да се случи вакво нешто, за да можеме да реагираме – изјави по мечот Касињас.
Тој додаде дека од ова не треба да се прават преголеми драми.
– Ние сме светски шампиони и можеме да поднесеме критика. Мораме да ги кренеме главите и да се подготвиме за натпреварот против Чиле – рече тој.
