Најдобриот фудбалер на Колумбија Радамел Фалкао, не се опорави доволно од повредата која ја заработи во јануари и поради тоа ќе го пропушти Светското првенство во Бразил.
– Не можам да ви кажам добар ден бидејќи денот не е таков. Амараното, Переа, Луис Фернандо, Мјуриел и Радамел Фалкао ќе го пропуштат Светското првенство. Переа и Фалкао нема да настапат поради повреди, додека Мјуриел ќе отсуствува поради технички причини, изјави селекторот на Колумбија на прес конференција.
Фалкао во квалификациите за СП со девет голови беше најдобриот стрелец на својата репрезентација. Колумбија во Бразил ќе се натпреварува во Ц групата заедно со Грција, Брегот на Слонова коска и Јапонија.
Голмани: Давид Оспин (Ница), Фарид Мондрагон (Депортиво Кали), Камило Варгас (Индепендиенте Санта Фе)
Одбрана: Хуан Камило Сунига (Наполи), Пабло Армеро (Наполи), Сантијаго Ариас (ПСВ Ајндховен), Алварес Баланта (Ривер Плејт), Марио Алберто Јепес (Милан), Карлос Валдес (Сан Лоренцо), Кристијан Запата (Милан)
Ред за врска: Карлос Санчез (Елче), Абел Агилар (Тулуз), Александер Мехија (Атлетико Насионал), Фреди Гуарин (Интер), Хуан Гиљермо Квадрадо (Фиорентина), Џејмс Родригез (Монако), Хуан Фернандо Квинтеро (Порто), Алдо Леао Рамирес (Морелија), Виктор Ибарбо (Каљари)
Напад: Џексон Мартинез (Порто), Карлос Бака (Севилја), Адријан Рамос (Херта).
