Колумбискиот адвокат Аурелио Хименез ја тужи ФИФА затоа што поради лошо судење на мундијалот завршил во болница.
Тој додека го гледал четврт-финалниот натпревар меѓу Колумбија и Бразил добил нарушување на ритамот на срцето, по што завршил во болница.
– Судијата Карлос Веласко Карбалјо, но и другите судии на натпреварот, ми го загрозија здравството. Срцевиот ритам ми се наруши, а роднините веднаш ме префрлија во болница – изјави Хименез.
Адвокатот, кој важи за еден од најдобрите во Колумбија од областа на правото, моментално работи на собирање сведоци и докази.
