Петнаесет полицајци се повредени во немирите што избувнаа ноќеска во центарот на Буенос Аирес по поразот на Аргентина од Германија во финалето на Светското фудбалско првенство во Бразил. При инцидентот се уапсени 40 лица.
Немирите, предизвикани од агресивно настроените навивачи, избувнаа на главниот булевар во близина на 67-метарскиот Обелиск, кој се смета за симбол на аргентинскиот главен град.

