Додека Аргентинците во гардеробата славеа пласман во финалето на Светското првенство, нивниот најдобар фудбалер морал во лабораторија.
Аргентинците по изведувањето на пеналите обезбедија пласман во финалето и додека сите славеа, журката ја пропушти Лионел Меси поради тоа што морал да оди на допинг- контрола, а тоа го сподели со своите фанови на „Инстаграм“.
– Ме повикаа на допинг-контрола и не можам да уживам во моментот во соблекувалната. Се чувствувам горд што сум дел од овој тим. Секој во него е одличен. Каков натпревар беше ова, ова е лудо, во финале сме. Да уживаме во овој момент, сега ни остана уште само еден чекор – напиша Меси.
Аргентина в недела ќе игра во финалето против Германија, трет пат во историјата. Аргентинците славеа во 1986 година во Мексико, а Германците им се реваншираа четири години подоцна во Италија.
