Холандската фудбалска репрезентација сосема неочувано вчера беше исфрлена од хотелот во кој престојуваше во Рио де Женаиро. Информацијата ја потврдија од холандскиот фудбалски сојуз, а виновникот за срамниот потег е кој друг ако не ФИФА.
Од Светската фудбалска федерација биле резервирани ВИП места за некои нивни важни гости во пресрет на полуфиналето, па играчите на Луис ван Гал биле принудени да бараат ново сместување.
– Ова нема врска со спортот затоа што спортистите мораат да го напуштат својот хотел. Ова е срамота, играчите веќе се навикнаа, а пред најважниот натпревар во нивните кариера мораат да бараат ново сместување, изјави претседателот на холандскиот фудбалски сојуз Берт ван Оствин.
Полуфиналниот натпревар меѓу Холандија и Аргентина се игра утре вечер.
