Мундијалот ни нуди две нови осминафинални средби, по што ќе бидат познати уште два тима кои ќе се натпреваруваат во четврт-финалето.
Денеска од 18 часот во Бразилија за пласман меѓу осумте најдобри на Светското првенство во фудбал ќе се борат селекциите на Франција и Нигерија.
– Играме против многу силен, многу незгоден противник, тим кој е составен од искусни и брзи фудбалери. Нигерија е тим со неколку квалитети. Очекувам многу тежок натпревар, очекувам неизвесност до последниот судиски свиреж. Моите фудбалери мора да се борат до последниот судиски свиреж. Ќе има борба за секоја топка – изјави селекторот на Франција, Дидие Дешамп.
Во терминот од 22 часот почнува вториот денешен натпревар. Во овој осминафинален дуел се среќаваат селекциите на Германија и Алжир, едно од најпријатните изненадувања досега на шампионатот.
Германија е фаворит и според квалитетот на играчите со кои располага, но и со играта која ја прикажа во досегашниот тек на муднијалот.
