Со пресврт во последните десет минути, Холандија успеа да се справи со мексиканската репрезентација. Водството со голот на Џовани Дос Сантош на почетокот на второто полувреме сите го гледаа како доволен за пласман во четвртфиналето на Мексико на Мундијалот.
Сепак, вицешампионот од минатото првенство, Холандија, стигна до израмнување со голот на Снајдер во 88.минута.
Во продолжението пак од 6 минути, дадено заради тајмаутот среде играта, кога се очекуваа 30-те минути продолженија, ,,лалињата” направија целосен пресврт во 94.минута по голот од пенал на Хунтелар. Ударот од белата точка следеше по прекршoкот на Рафа Маркез врз Ариен Робен.
Вечерва од 22 часот се игра осминафиналниот натпревар помеѓу Грција и Костарика, а подобриот од овој натпревар ќе биде идниот противник на Холандија.
