Роден: 7.9.1965 година, Скопје
Професија: фудбалер
Хоби: коментирање натпревари
Секоја чест легендо! Те знаеме како еден од најдобрите фудбалери во поранешна Југославија, носител на престижната Златна копачка… Сега те запознаваме и како коментар – или што би рекол ти – чирак коментатор. Низа критики, но и низа пофалби. Браво Дарко!
Со право се закити со титулата личност на неделата. Не поради недело, туку поради тоа што успеа да нѐ насмее сите, да го промени здодевниот начин на коментирање на натпревари од страна на нашите спортски коментатори, да го направи фудбалот интересен за сите.
Откако Дарко седна во студиото на МТВ, веќе никој не го намалува тонот за време на СП во фудбал поради тоа што не може да ги слуша глупостите и здодевните коментари… Никој не бара канал на сателитска за да избегне да ги слуша коментарите на недоволно едуцираните коментатори ( чест за исклучоците). Човекот го познава фудбалот. Човекот ги познава играчите. Човекот го знае чувството да се биде дел од голем натпревар. Знае да насмее, знае да направи шега на своја сметка, секако, знае да направи и лапсуз, но кој работи тој и греши.
Интересен беше моментот кога не сакаше да зборува за навивачките зашто неговата Маја вечерта немало да го пушти дома. На „Фејсбук“ веднаш се направи група – да се собереме сите за Маја да го пушти Дарко дома…
– Дарко денеска си има земено клучеви од дома, па затоа коментира за Мексиканките – се шегуваат корисниците на социјалните мрежи.
Дарко го направи тоа што многу недостигаше кај нашите коментатори – забава за публиката
– Супер се и двајцата, и Панчев, а особено Калински – ќе недостигаат на следните првенства кога главни коментатори ќе ни бидат оној Горан Милковски или Видевски. И за Таско сите дрндавте, па кога се пензионираше го баравме ! – коментираат на социјалните мрежи.
Тоа што може да му се забележи на Дарко е јазикот – премногу србизми, премногу скопски жаргон. Но не може да му се земе за зло – Јер Дарко је Дарко, апсолутно легенда.
Рече и:
Викаат топката е слепа, нема очи, не знае кај оди
Златко не можам јас со тебе, ти кинам капа
Ако судиите не го креваат знамето, навивачите го креваат
Добро е да се шутира од далечина… знаеш како викаат, Златко,една ќе влезе
Може ние од Скопје да видиме, судијата не може од таму да види
Ауууу навијачката од Мексико…
Брз е како спиди гонзалес, мексиканскиот глушец
Јас не сум коментатор, далеку од тоа, јас сум чирак коментатор
Овој е најголем планетарен настан на земјата
Јас знам што прават навијачите, Златко, они носат сендвич со пршута на стадион и вино во оние коженине туби
Струмица дава големи фудбалски имиња, еве татко ми е од Струмица
Ако нѐ чуе градоначалникот може и на некој наш спортист да му направи споменик
Ќе го удри малце топката во рака и одма свират пенал
Во некое село во Колумбија овци играле фудбал, читав на интернет
Па добро Гекас, како можеше ова да го промашиш?
Може на друга планета се игра фудбал, а ние не знаеме
Холанѓаните се добри техничари, го имаат фудбалот во малите прсти