По вчерашниот пораз од репрезентацијата на Швајцарија, Хондурас е петтиот учесник на Светското првенство во Бразил што остана без селектор по одигрувањето на натпреварите во групната фаза.
По третиот пораз во исто толку натпревари во групата Е и само еден постигнат и осум примени гола, селекторот Луис Фернандо Суарез реши да поднесе оставка од функцијата.
Покрај 54-годишниот селектор на Хондурас, селекторските места изминатите два дена ги напуштија и Чезаре Прандели (Италија), Сабри Ламуши (Брегот на Слоновата Коска), Алберто Закерони (Јапонија) и Карлос Кирош (Иран).
