Со поразот од Белгија од 1-0 во мечот од второто коло, репрезентацијата на Русија се најде на чекор од елиминација од Светското првенство и покрај тоа што селекторот на Русите Фабио Капело е убедливо најплатениот стратег на мундијалот.
Италијанскиот стратег има годишна плата од неполни седум милиони фунти, односно двојно повеќе од селекторот на Англија Рој Хоџсон кој секоја година на сметката добива по 3,5 милиони фунти.
Интересно е тоа што селекторите на Хрватска, Гана и на Мексико заедно имат плата од 350 илјади фунти, но сите тројца можат своите екипи да ги одведат во следната фаза.
