Бразилската полиција врши истрага за случајот кога полицаец пукал со боева муниција во Рио де Жанерио за време на демонстрацијата против Светското првенство. Снимка од инцидентот се појавила во јавност.
Цивилната полиција на Рио потврдила дека еден нивни службеник е снимен како замавнува со пиштол и притоа испукал двапати во воздух.
Полициската акција била по еден помал протест поради мундијалот во близина на стадионот „Маракана“ непоредно пред натпреварот меѓу Аргентина и Босна и Херцеговина одигран ноќта меѓу неделата и понеделникот по македонско време.
Немири и протести имало и за време на мечот меѓу САД и Гана што се одигра доцна синоќа.
Фото: ЕПА
