Селекторот на Бразил, Луис Фелипе Сколари одговори на обвинувањата на хрватскиот колега Нико Ковач дека гостите биле ограбени со досудување на непостоен пенал, а тоа го виделе милијарди луѓе.
– Милијарди не виделе пенал, но судијата виде. Како што кажав пред некој ден, арбитрите решаваат, а ние мислиме дека беше пенал, вели Сколари.
* Велите дека беше пенал?
– Не можам да коментирам што рекол хрватскиот селектор, но ќе истакнам дека Бразил петпати бил светски првак. Бевме на пет циркуси што се организирани за Бразил да биде светски првак. Ги немавме Карлос Алберто, Пеле, Роналдо, Ромарио… ОК, разбирам дека Ковач морал да го каже тоа со оглед на резултатот и јас би го кажал тоа да сум во негова кожа. Но, ние не доаѓавме до титули затоа што ни помагаа судиите – нагласи Сколари.
