Не стивнуваат протестите во Бразил, земјата домаќин на претстојното Светско фудбалско првенство кое ќе се одржи од 12 јуни до 13 јули.
На последниот протест полицијата со солзавец ги растеруваше 500-те домородци, Индијанци кои им фрлаа стрели, а имаше и околу 500 претставници на различни општествени групи кои протестираа против одржување на Мундијалот во Бразил, осудувајќи го прекумерното трошење пари.
Домородците фрлале и камења на околу 700 полицајци кои го обезбедуваа фудбалскиот стадион во Рио де Женеиро.
– Кому му служи СП? Нам сигурно не. Не сакам првенство, сакам пари за здравство и за образование – гласно протестираа Индијанците, кои не се сложуваат и со узурпацијата на земјата во корист на белците-земјопоседници.
Домородците претставуваат 0,3 отсто од вкупното население во Бразил кое изнесува 200 милиони жители. Живеат на 12 отсто од територијата на Бразил, поголемиот дел околу реката Амазон.
Често се во спор со богатите земјопоседници кои контролираат 46 отсто од обработена земја.
Бразил се соочува со серија протести против одржување на СП на чија организација досега се потрошени 11 милијарди долари.
