Време е да им простите на сите и со чисто срце да го почнете постот: Денеска ги славиме Божиќните поклaди!

Денеска правослвната црква и нејзините верници го одбележуваат празникот посветен на Светиот апостол Филип, како и Божиќните поклади-последен ден кога е дозволено да се јаде месо годинава.

Имено, утре почнува Големиот божиќен пост, кој ќе трае се до празникот на Христовото раѓање, 7 јануари.

Поклади се ден на простување и веселба. Се сметало дека во периодот на постот треба да се влезе без грев. Во домаќинствата на денешен ден се поставува мрсна трпеза, за богата гозба пред постот.

Божиќниот пост е востановен за да пред Христовото раѓање се исчистиме со покајание, молитва  и пост, како со чисто срце, душа и тело  и стравопочитување би го дочекале Синот Божји кој се јавил на светот и за да покрај обичните дарови и жртви, му се принесат чисто срце и желба да го следиме неговото учење.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.