Нашата најголема музичка ѕвезда, Каролина Гочева, за првпат во својата кариера ќе се претстави во живо на концерт, заедно со комплетниот состав на Македонската филхармонија, најавуваат од нејзината матична продуцентска куќа „Авалон“.
Концертите се закажани во за 15 и 16 февруари.Ќе биде навистина огромно задоволство да се слушнат песните од проектот „Македонско девојче“, „Извор“ и некои од најубавите песни од претходните албуми на Каролина во живо, во комплетно нови аранжмани.
Новата сала на Македонската филхармонија како убедливо најдобра сала од тој тип во Европа во моментов, овозможува 100 отсто услови за неверојатно квалитетен музички производ каков што сме сигурни дека ќе добиеме од Каролина и сите музичари во вечерите на 15-ти и 16-ти февруари.
Како што велат од продукцијата, влезниците се во максимално ограничен број по цена од 1.000 денари и ќе бидат пуштени во продажба од среда (28.11) во 09 часот наутро онлајн на avalon.mk и продажната мрежа на Авалон.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
