Касами го потсетува Заев: Доби гласови од Албанците, сега одговори на нивните барања

Претседателот на едно од крилата на Беса, Биљал Касами, на прес-конференција јавно го праша премиерот Заев дали во иднина ќе треба повторно да се враќаат на отворање на Пандорината кутија, откако Заев изјави дека не е потребно дополнително ширење на Пандорината кутија како одговор на барањата на двете опозициски партии на Албанците, Беса и Алијанса на Албанците.

Касами рече оти тие нема да условуваат и посочи дека доколку Заев не ги прифати барањата на партијата, тогаш тие ќе продолжат понатаму со процесот за зачленување во ЕУ и НАТО.

-Граѓанската еднаквост е нешто за кое сите се залагаат. Ова се вредности за исполнување на заедничкиот сон за НАТО и ЕУ. Беса не влегуваше во овој прес со уценување. Ние и понатаму ќе ја дадеме раката за соработка. Во овој дел се надеваме дека ќе надвладеат документите. Се надеваме дека ако премиерот имаше време да разговара со луѓе кои се инкриминиарни во разни случаи, ќе има време да ги разгледа и нашите барања. Панот Б, доколу Заев не ги прифати барањата, е да продолжиме со процесот кон ЕУ и НАТО- вели Касами.

Според него, доколку овие прашања не се решат сега, ќе бидат повторно ставени на маса на следните избори.

Тој посочи дека Заев не треба да блокира зошто под мотото „Едно опшстество за сите“ добил гласови од Албанците, па поради тоа, сега барањата кон него се големи.

Барањата на Беса се за вметнување амандмани во Уставот со цел унапредување на правата на Албанците во Македонија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.