Аџиев по еден час распит си замина од СЈО

Томе Аџиев, претседателот на Комисијата за лустрација, во моментот ги напушти просториите на СЈО, каде што беше повикан на распит за случајот „Моќник”, каде што е еден од осомничените.

Аџиев во СЈО се задржа повеќе од еден час, но не сакаше да открие за што точно разговарал со обвинителите, а од новинарите побара и да не го фотографираат и да го снимаат. Тој е осомничен за нарачена лустрација на судија од Кичево, кој откако беше лустриран беше и разрешен.

Лустрацијата според СЈО ја нарачал пратеникот Антонио Милошоски, кој исто така е еден од 13-те осомничени, заедно со неговиот татко.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.