Челзи ќе ги испраќа навивачите расисти во Аушвиц

Раководството на фудбалскиот клуб Челзи размислува во иднина навивачите кои имаат расистички испади да ги испраќа во Аушвиц со цел да ги сфатат сопствените грешки.

Во лондонскиот клуб сметаат дека тоа би било поделотворно, отколку да им се забрани да доаѓаат на натпреварите, а иницијативата ја поддржува и сопственикот Роман Абрамович, кој има еврејско потекло.

Во Челзи веруваат дека посетата на концентрациониот логор и предавањата ќе помогнат за искоренување на антисемитизмот, кој е присутен меѓу фудбалските навивачи во Англија.

– Ако им забраните да не доаѓаат на натпреварите тоа никогаш нема да го смени нивното размислување и однесување. Вака им се нуди можност да сфатат што направиле и во иднина подобро да се однесуваат. Во минатото ги санкциониравме и со забрани од по три години, но сега ќе имаат опција да сфатат што направиле, истакна Брус Бак од управата на Челзи.

Лондонскиот клуб јавно критикуваше неколкумина свои навивачи за погрдното скандирање на натпреварот против Тотенхем во септември минатата година

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.