Претставничката на Социјалдемократите во Европскиот парламент Тања Фајон за време на дебатата за Србија предупреди дека не е сменета состојбата со медиумите, на неприлагодена политика на визната либерализација, како и на евентуална дестабилизација на регионот во случај на промена на границата, како дел од договорот помеѓу Белград и Приштина.
Таа, за време на дебатата за поднесените амандмани за нацрт извештајот за Србија во Надворешнополитичкиот одбор на Европскиот парламент, нагласи дека најзначаен компромисен амандман е тој што се однесува на Дијалогот Белград – Приштина и можноста за промена на границите.
– Знам дека е чувствително прашање и дека целта беше да имаме ист текст за двете страни во процесот. Од искуството на Словенија можам да кажам дека секое поместување на границите би го дестабилизирало регионот и тоа е нешто што мораме да го избегнеме, посочи Фајон.
Таа како важни амандмани во нацрт извештајот за Србија на Дејвид Мекалистер ги наведе тие што се однесуваат на слобода на медиумите, состојбата на ромското насление и расветлување на убиството на Оливер Ивановиќ.
– Секоја година повторуваме дека ситуацијата во областа на медиумите не е подобрена и мораме да продолжиме да го критикуваме тоа што се случува во медиумите, потенцира Фајон.
Таа ја предупреди Србија дека ако не ја прилагоди својата визна либерализација кон Иран до крајот на октомври би можела да добие негативен извештај за визната либерализација до крајот на годината.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
