И по 17 години не се знае кој ги уби Трпковски и Илиевски во мотелот „Бриони“

Две недели по потпишувањето на Рамковсниот Охридски договор, кој требаше да стави крај на военото дејствување на паравоената ОНА, на 26 август беа убиени Светослав Трпковски и Боге Илиевски.

И по 17 години се уште се непознати сторителите кои со динамит ги врзале двајцата за столбови и ги разнеле заедно со мотелот „Бриони“ кај Челопек.

Семејството на Трпковски, кои и годинава го посетија разурнатиот мотел Бриони каде се одржа парастос за загинатите Трпковски и Илиевски, по 17 години и натаму остануваат посветени на барањето на правда и откривање на виновниците за овој бомбашки пир од конфликтот во 2001-та година.

Овој случај беше опфатен со автентичното толкување на Законот за амнестија заедно со останатите три хашки случаи. Во стара состојба е и разурнатиот мотел Бриони бидејќи дел од албанското население од Челопек се спротиставува земјоделската задруга Единство да продолжи да стопанисува со него.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.