ОЈО ги следи информациите за говорот на омраза на Бачев

Јавното обвинителство соопшти дека ги следи сите информации во врска со говорот на омраза изречен од политички субјекти во Македонија и доколку се утврди дека постојат елементи за кривично дело ќе покрене постапка.

Одговорот од ОЈО е на прашањето од ТВ21 во врска со изречените навреди кон Албанците во земјава од лидерот на партијата „Единствена Македонија’“, Јанко Бачев, кој партиите на Албанците ги нарече „шиптарски“.

– Мислам дека гледате, американскиот амбасадор Бејли и шиптарските партии во Македонија почнаа веќе отворено да кажуваат дека ќе има војна, изјави Бачев пред Владата, каде што вчера јавно побараа буџетски пари за финансирање на нивната кампања за бојкот на гласањето.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.