Четири македонски државјани полесно повредени во сообраќајка кај „Ќафасан“

Четири македонски државјанки се полесно повредени во сообраќајна несреќа што доцна попладнево се случила во близина на преминот „Ќафасан“, на албанско-македонската граница. Во несреќата учествувало и возило со македонски регистарски таблички.

Елетронското издание на весникот „Шекули“ пишува дека во несреќата полесно се повредени македонските државјанки Валерија К. (25), Орхидеа В. (38), А.В.(17) и Андреа К.,кои добиле потребна здравствена услуга во болницата во Либражд.

Полицијата врши увид. Според сознанијата, автомобилот во кој биле Македонците, од се уште непознати причини, преминал на спротивната страна на коловозот и удрил во автомобил со албански регистарски таблички, а потоа во нив удрило и друго возило.

Најверојатно причина за несреќата е влажниот коловоз и неприлагодената брзина на движење според условите на патот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.