Тапани и зурли одекнаа на Галичник, денеска завршува 45. Галичка свадба

Денеска во селото Галичник завршува 45. Галичка свадба. Младенци на годинашната манифестација се Тања Лепческа која има потекло од Галичник и Златко Димовски, кои се избрани во конкуренција од четири пара. Тања од својата петта година учестува на манифестацијата, а Димовски неодамна рече дека е подготвен за големиот ден и дека добро ги научил сите обичаи што се белег на Галичката свадба.

Во време на овие два свадбарски денови се одржаа 30 обичаи, а црковната венчавка се одржа во храмот „Св. Апостол Петар и Павле“. На манифестацијата учествуваа околу 100 статисти облечени во галички носии, КУД со околу 30 учесници, коњица и коњи, вкупно околу 250 луѓе.

Агенцијата за поддршка на туризмот ја прогласи Галичката свадба за најуспешна туристичка манифестација за минатата година. „Њујорк тајмс“ и „Нешнал џиографик“, пак, ја прогласија за најтрадиционален свадбен фестивал во Европа.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.