Ученик влегол со пиштоли во училница, наставник го соборил и спречил масакр (видео)

Џејсон Симен, наставник во училиште во Ноблсвил во американската држава Индијана, е опериран откако трипати бил погоден од огнено оружје, додека спречувал ученик да направи масакр во училницата, така што го соборил напаѓачот на под.

Во пораката на еден од учениците што бил на часот на Симен пишува дека наставникот го гаѓал напаѓачот со кошаркарска топка по глава и потоа го соборил, пробивајќи ја и вратата од оставата.

Jason Seaman stopped the Noblesville shooter by **throwing a basketball at his head and tackling him through a storage room door!**

We’re gonna need to rename Chuck Norris facts ‘Jason Seaman facts’ for a while. Absolute hero. h/t @WCIA3Kaitlyn pic.twitter.com/hUjHntapSy

— Josh Jordan (@NumbersMuncher) May 26, 2018

Локалните медиуми го контактирале братот на Симен, Џереми, кој живее во Аризона и кој за Индијанополис стар рекол дека Џејсон по пукањето бил во свесна состојба и разговарал со сопругата, велејќи ѝ дека е „океј“, пренесува АП.

Братот изјавил дека Симен играл американски фудбал додека студирал на Универзитетот во јужен Илиноис, и тоа на позицијата на одбранбен играч што трча да го собори противничкиот квотербек, како и дека никогаш не бил човек што бега од гужва.

Неименуван ученик во петокот наутро влегол во училницата за време на контролна задача, носејќи два пиштоли, откако претходно побарал да излезе од час. Во пукањето е ранет друг ученик и наставникот Симен, а напаѓачот е уапсен.

Jason Seaman’s mother reports he was shot 3 times, including one bullet through abdomen. Is out of surgery and in good condition. After he was shot, Seaman still managed to help stop the shooter. #Hero pic.twitter.com/e2XQbgn6qY

— Saluki Football (@SIU_Football) May 25, 2018

Ученикот од седми клас Итан Стоунбрејкер раскажа дека Симен веројатно спречил поголеми повреди со тоа што му се спротивставил на напаѓачот.

„Нашиот наставник веднаш потрча кон него, му го исфрли пиштолот од раката и го собори на подот. Да не беше тој, сигурно ќе имаше повеќе повредени меѓу нас“, рекол Стоунбрејкер.

Властите веруваат дека напаѓачот дејствувал сам, но не дадоа повеќе информации за него. На објавеното видео од хеликоптер се гледа како учениците излегуваат од училиштето и влегуваат во автобус.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.