Тимоние: Законот за јазиците е изгласан, но треба да се почитува консензус

Македонија по гласањето на законот за јазиците треба да се посвети на реформите, изјави денеска францускиот амбасадор Кристиан Тимоние денеска во Тетово, одговарајќи на новинарско прашање во врска со законот за јазиците.

– Во Македонија треба да се почитува дијалогот и во секој случај овој закон е изгласан, меѓутоа при неговата примена треба да се почитува духот на консензусот. По овој закон треба да се сработи тоа што е зацртано и да се стави фокус на реформите, истакна Тимоние, кој денеска беше во посета на тетовската гимназија „Кирил Пејчиновиќ“.

Средношколците подготвија уметничка програма за амбасадортот, која беше проследена со изложба од слики и знамиња од сите земји на Европската унија.

Тимоние од претставници на училиштето доби на подарок и албанска традиционална носија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.