Почина битолчанецот кому пред два месеци му изгореа сопругата и синот

Во урнатините од опожарената куќа, денеска почина битолчанецот Томе А. (60), неполни два месеца откако во пожар во куќата на улицата „Девејани” во Битола живи изгореа неговата сопруга Фатма А. и 17-годишниот син Дарко А, објави порталот СДК.мк.

Таткото, кој беше болен од рак, по пожарот кој избувна на 29 јануари годинава, беше префрлен во битолската болница, а потоа сместен во прифатилиште за бездомници.

Откако здравјето му се влошило побарал последните денови да ги мине во својот дом и за тоа потпишал и документ. Се вратил во опожарената куќа, каде што немал услови за пристоен живот. Според раскажувањето на соседите, живеел во тоалетот кој што пожарот најмалку го оштетил.

Попладнево соседите пријавиле во Итната медицинска помош и во Центарот за социјални работи дека го затекнале мртов.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.