Возило удри во жена на крстосница во Кисела Вода

Триесет и петгодишната Г.Б. денеска била удрена од возило на крстосница во населбата Кисела Вода.

Како што информира за МИА од МВР, сообраќајката се случила во 16 часот и 50 минути на крстосницата од булеварот „Борис Трајковски“ со улицата „Народни херои“ кога патничко возило „опел корса“ удрило во скопјанката Г.Б. (35).

Повредената со возило на Итната медицинска помош била пренесена во комплексот клиники „Мајка Тереза“.

Од страна на увидна екипа на СВР Скопје извршен е увид и се работи на целосно расчистување на случајот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.