Геомагнетна бура ќе ја зафати Земјата, погледнете какви последици може да има

Земјиното магнетно поле утре ќе го погоди геомагнетна бура од најслаба јачина, соопштија од американскиот Центар за предвидување временски состојби во вселената и Агенцијата за проучување океани и атмосфера (НОАА).

Геомагнетната бура е привремено нарушување на Земјината магнетосфера и е предизвикана од активностите на Сонцето. Станува збор за феномен кој може да влијае на електромрежите и сателитите.

Вообичаено трае еден или два дена.

Според соопштението на НОАА, оваа геомагнетна бура е класифицирана на скалата од еден до пет како Г-1, што значи дека ќе биде со најслаба јачина.

Се наведува дека, сепак, може да предизвика „слаби осцилации на мрежните станици и мало влијание на сателитските функции, како и на животните кои мигрираат“.

Бурата од категорија Г-5, на пример, може да влијае на електричната енергија и безбедносните системи во целиот свет, така што може да дојде до целосно нарушување на системот на компјутерски мрежи и големо оштетување на електричните трансформатори.

Влијанието на геомагнетните бури врз луѓето допрва ќе се проучува, но е познато дека гулабите писмоносачи, на пример, за време на такви бури имаат проблем со навигацијата и не се во состојба да го пронајдат местото на кое треба да слетаат.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.