Десетмина загинати при пожар во фабрика во Русија

Најмалку 10 лица загинаа во пожар што избувна рано изутринава во фабрика за производство на чевли во местото Чернореченскиј во руската Новосибирска Област, соопшти Министерството за вонредни состојби на Русија.

Според првичните информации, сите десетмина загинати работници во фабриката биле државјани на Кина или Таџикистан.

Пожарот избувнал во магацинот на фабриката, каде што се чувале репроматеријалите за производство на чевли, но и готови производи, по што се проширил и во производствениот погон.

Огнената стихија зафатила површина од околу 2.000 метри квадратни.

Руски медиуми јавија дека пожарот предизвикал „токсичен чад“, но Министерсвото соопшти дека извршените тестови покажале оти во воздухот во околината на фабриката нема зголемено количество на штетни честички.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.