Кога „Ил Феномено“ потсети на Пеле (видео)

Пред точно 21 година, Роналдо Луиз Назарио Де Лима, го постигна еден од најдобрите погодоци во својата кариера, но и во историјата на фудбалот.

Во натпреварот против Комостеле, Бразилецот во дресот на Барселона успеа да постигне чудесен гол откако тргна од својата половина и мајсторски измами четворица свои противници пред казнетиот простор.

Тогашниот тренер Боби Робсон, неговиот помошник Жозе Мурињо и соиграчот Пеп Гвардиола не можеа да поверуваат на своите очи што Бразилецот успеа да направи, овој гол најдобро го опиша „Марка“. „Пеле се врати“, стоеше на насловната на еден од најпознатите светски весници.

„Ниту самиот не знам како тоа го направив. Ќе морам овој гол добро да го погледнам и на телевизија“, изјаво Роналдо кој токму овој погодок го смета за најдраг во својата кариера.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.