Вработен во Општина Штип му се заканувал на колега

МВР јави дека поднеел кривична пријава за вработен во собранието на Општина Штип, кој му се заканувал на друг вработен.

СВР Штип, по преземени мерки и активности, го приведе лицето Ј.М. (42) од Штип, вработен во собранието на Општина Штип, кој се сомничи дека во текот на овој месец упатувал сериозни закани по животот кон друго лице, исто така, вработено во собранието на Општина Штип. Поради основано сомнение дека Ј.М. сторил кривично дело загрозување на сигурноста, според членот 144 став 3 од КЗ, од страна на СВР Штип до ОЈО Штип ќе биде поднесена кривична пријава за наведеното кривично дело.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.