На банкомат во Загреб нашла порака која ќе ви ја врати верата во луѓето

Дека сѐ уште постојат чесни луѓе сведочи оваа фотографија од банкомат во Загреб, Бузин.

Една жена од Загреб во групата “Зошто го сакам Загреб” (/Zakaj volim Zagreb) на социјалната мрежа Фејсбук објавила фотографија од една необична сцена која ја дочекала на банкоматот, а која сведочи дека меѓу нас сѐ уште има чесни луѓе – луѓе за пример.

Човекот кој бил пред неа на банкоматот нашол пари кои некој ги заборавил откако ги извадил. Наместо едноставно да ги стави во џеб и да си замине – како што би направиле многумина алчни луѓе, тој напишал белешка и го оставил бројот на својот мобилен телефон.

Овој потег е навистина за пофалба. Никогаш не можеме да знаеме за што му се потребни парите на човекот кој ги изгубил, но едно сигурно знаеме – не би сакале да се најдеме во негова кожа. Нема подобро чувство од тоа да знаеш дека си му помогнал на некој и си направил добро дело. Можеби, сепак, подобро е чувството некој да ви ги врати вашите пари откако сте ги изгубиле.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.