На проблемите на Манчестер јунајтед им нема крај, Ибра со сериозна повреда на коленото (видео)

Жозе Мурињо како да немаше доволни проблеми со повредите во текот на целата сезона, па стратегот на Манчестер јунајтед сега извесно време ќе мора да се снаоѓа и без помошта на Златан Ибрахимовиќ.

Шведскиот ас настрада буквално во последната акција од мечот во Лигата на Европа меѓу Манчестер јунајтед и Андерлехт, откако лошо доскокна и остана да лежи на тревата, жалејќи се на болка во коленото. Дека повредата е сериозна беше веднаш очигледно, а откако истата не успеаја да ја санираат, клупските лекари заедно со Ибракадабра се упатија кон соблекуваните на „Олд трафорд“.

Според првичните информации станува збор за проблем со лигаментите, што многу лесно може да значи и крај на сезоната за шведскиот ас, уште еден голем проблем за Жозе Мурињо во обидор да обезбеди учество во ЛШ во следната сезона.

Во првото полувреме сериозна повреда заработи и дефанзивецот Рохо, кој на носилки мораше да биде изнесен од теренот и исто така подолго време ќе биде надвор од тимот на Јунајтед.

Very, very awkward landing for @Ibra_official. The studio team fear it could be a cruciate ligament injury. #UEL #MUFC #Zlatan pic.twitter.com/gGISc5dZx4

— beIN SPORTS (@beINSPORTS) April 20, 2017

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.