Кошаркарите на МЗТ Скопје Аеродром вечерва остварија победа на последниот дуел од 1.коло од Супер лигата.
Тие на домашен терен го совладаа тимот на Фени Индустри со 86:59 (21:15; 20:14; 20:11 и 25:15) и со тоа му реваншираа на денешниот противник за поразот во полуфиналето на Купот на Македонија.
Најефикасен на натпреварот беше Ѓорѓе Дреновац од МЗТ Скопје со 22 поена.
На другите два дуела од првото коло: Карпош Соколи – Работнички 94:90 (одиграно вчера) и Куманово – Кожув 108:103 по продолжение (одиграно во саботата).
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
