Откриено: Еве која е земјата која што прва ќе ја посети новиот шеф на Белата куќа

Надворешнополитичкиот советник на новиот претседател на САД, Доналд Трамп – Либанецот Валид Фарес откри за арапските медиуми дека првото патување на шефот на Белата куќа ќе биде во Египет.

Приоритет на Доналд Трамп, освен односите со Русија, секако ќе биде и Блискиот исток, а Фарес за арапските медиуми вели дека првото службено патување на новиот претседател на САД ќе биде во Египет.

Египет како најголема арапска земја го држи клучот за решавање на кризата на Блискиот исток и може да одигра значајна улога за ново започнување на мировниот процес на Блискиот исток, почнувајќи од Израелците и Палестинците.

Фарес открива дека Трамп, за разлика од Барак Обама и Хилари Клинтон кои што на Муслиманското братство му дадоа политички легитимитет, тоа движење веднаш ќе го стави на листата на терористички организации.

Аналитичарите веруваат дека покрај Блискиот исток, Доналд Трамп ќе се соочи со десет големи жаришта ширум светот.

Освен пореметените односи со Русија и Владимир Путин и затегнтите односи со Кина кои што ќе мора да бидат подобрени, Трамп го чека исклучително тежок испит на Блискиот исток, на Балканот, како и кога станува збор за односите со Европската унија. Тој веќе најави ревизија на договорот кој што Барак Обама го склучи со иранските и кубанските власти.

ука е и „проблемот со Венецуела“ за која што заедницата на земјите од Јужна Америка бараат Вашингтон да ја повлече „ознаката“, односно одлуката на Трамп оваа земја да ја стави на листата со „закани за американската национална безбедност“.

Тука е и големиот Бразил за кој се наведува дека полека тоне во политичка и економска криза, како и соседен Мексико каде што е најавена изградба на ѕид на границата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.