Реакции на „фантомите“ : Најчевска нема да се „вуцара“, ќе се докажува и поранешен министер на МВР

Објавениот список на гласачи за кои треба дополнителна проверка, односно активна регистрација предизвика различни реакции во јавноста.

Две од трите ќерки на професорката Биљана Ванковска се меѓу „фантомите“ на СДСМ

-Хахаха! Двете постари ќерки ми се „фантомски“ гласачи, а најмалата не е! Ведрана извади пасош во март месец, ама сега и бараат скен да потврди дека е вистинска 🙂 Бог да чува! Фала ви сакани политичари 😛 Па барем да имаме за што и за кого да гласаме, напиша Ванковска на Фејсбук.

Најчевска, пак, гневот го истури кон ДИК, и најави дека нема намера да се „вуцара“ да се докажува дека постои па и дека нема намера да гласа. Дури наведува дека е вознемирувана и дека бара соодветна казна. Само не наведува дали посакува соодветна казна и за СДСМ на чие барање ќе треба да се „вуцара“ и она и редица други гласачи кои треба да се докажуваат дека постојат.

Како што е познато, меѓу оние кои ќе треба да покажат дека не се „фантоми“ има и други познати „борци“ во опозицијата.

Дури и еден поранешен министер за внатрешни работи, Павле Трајанов, ќе биде писмено известен од ДИК, дека ако сака да гласа ќе мора да докаже дека не е фантом.

Фантоми се поранешниот потпретседател на СДСМ Гордан Георгиев и неговата мајка.

Заменичката на Заев, Радмила Шекеринска, која ја претставуваше СДСМ на преговорите, може да ја однесе сестра си да докаже дека не постои и да и објасни најсестрински зошто и таа е во групата „фантоми“.

Новинарската „Тупаница“ на СДСМ Ерол Ризаов пак до подрачната единица за пријавување ќе оди со својот син.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.