Во Полициска станица Велес ноќеска околу 02:00 часот било пријавено дека на улица „Гемиџиска“ б.б. во Велес има опожарен патнички автомобил марка „Мазда“ со велешки регистерски ознаки, сопственост на 33-годишниот велешанец У.Т.
Портпаролот на СВР Велес, Анита Стојковска изјави дека полициски службеници извршиле увид на лице место и оти се преземаат мерки за расветлување на настанот.
Станува збор за автомобил сопственост на Урош Ташев финансов директор на А.Д.Жито Вардар“ и син на генералниот директор на А.Д „Жито Вардар“ Ристо Ташев. Возилото било паркирано пред нивната семејна куќа, каде што било и запалено. Пожарот бил пријавен во Противпожарната единица Велес и го гаснеле четворица пожарникари.
Урош Ташев во изјава за медиумите рече дека не може да каже дали пожарот на неговото возило бил подметнат или самото се запалило. Тој вели дека додека пристигнале пожарникарите, пожарот го гаснел заедно со соседите, а потоа и со пожарникарите, но возилото скоро целосно изгорело.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
