Роберт де Ниро отвора ресторан на Свети Стефан

Во рамки на хотелскиот комплекс Свети Стефан – Милочер на 17 јуни ќе биде отворен јапонскиот ресторан „Нобу“ во делот на угостителскиот објект „Кралска столица“, а ќе го отворат сопственикот Нобујуки Мачухиса и легендарниот американски актер Робет де Ниро, кој е сосопственик, објавија црногорските медиуми.

Отворањето на познатиот ресторан го најави Јанис Маркогијанис, претставник на компанијата „Адријатик пропертиз“, која е закупувач на овој хотелски комплекс.

Маркогијанис во интервју за „Дневни новини“ изјави дека во тек е втората фаза на овој развоен проект, а во изградбата на новиот хотелски комплекс на Кралската плажа и останатите содржини ќе бидат вложени повеќе од 100 милиони евра во следните три години.

Закупувачот на Свети Стефан, Милочер и Кралската плажа ќе гради луксузен комплекс со пет ѕвездички, кој ќе има 60 хотелски соби и 66 апаратмани, внатрешни и базени на терасите, спа центар, библиотека, фитнес центар и бистро кафетерија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.