Победата на Франција над Германија во сенка на терористичките напади во Париз

Пријателскиот фудбалски натпревар Франција – Германија, кој беше еден од најпосетените од сите синоќешни контролни дуели помина во втор план, откако во еден момент се слушна силна експлозија на „Стад д’Франс“ по што, според првичните информации од француските медиуми имало три загинати лица кај еден од влезовите на стадионот.

Надлежните одлучиле мечот да се доигра за да не настане поголема паника кај присутните 80 илјади гледачи, која би предизвикала опасност од стампедо.

Средбата заврши со 2:0 за Французите со головите на Оливие Жиру во првото и Андре-Пјер Жињак во второто полувреме.

По завршувањето нанатпреварот речиси целата публика се симна на теренот очекувајќи информации што се случува надвор од стадионот.

Бројот на загинатите во синоќешните терористички напади во Париз достигна 126, а преку 200 лица се ранети. Прогласена е вонредна состојба на целата територија на Франција.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.