Бил Гејтс не е повеќе најбогатиот човек на светот

Бил Гејтс повеќе не е најбогатиот човек на светот. Првото место го превзеде основачот Аманцио Ортега на модниот гигант „Зара“.

Бил Гејтс скоро 20 години беше на тронот, со прекин поради финансиската криза 2007-2008 година. Во тоа време на прво место беа мексиканскиот телекомуникациски магнат Карлос Слим, како и американскиот гуру за вложувања Ворен Бафет.

Имотот на Ортега се проценува на вредност од 79,8 милијарди долари, а за пробивот на прво место може да им се заблагодари на растот на вредноста на акциите на „Индексит“, компанија во рамките се наоѓа и Зара.

Ортега е роден 1936 година, а младоста ја поминал во сиромаштија, дури и глад. Училиштето го напуштил како тинејџер, а на почетокот почнал да работи како курир во еден дуќан. „Зара“ ја основал со полни 40 години, прво го освоил шпанскиот, а потоа и португалскиот пазар. Денес Зара е присутна насекаде во светот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.