Можно е да продолжи мисијата на НАТО во Авганистан

Можно е да се наметне потреба силите на НАТО да останат подолго во Авганистан од планираното, изјави денеска во Брисел германската министерка за одбрана Урсула фон дер Лајен.

– Одлуката за тоа во основа ќе зависи од состојбата на теренот- нагласи Лајен по пристигнувањето на средбата на министрите за одбрана на НАТО, што денеска се одржува во Брисел.

Таа нагалси дека и покрај тоа што авганистанските сили успеаја да ги потиснат талибанските бунтовници од Кундуз и да ја повратат контролата над градот, сепак се поставува прашањето дали тие ќе бидат способни да се справат со опасноста од талибанците по повлекувањето на силите на меѓународната коалиција од Авганистан.

– Траба да видиме колкав напредок е поситгнат и дали ќе биде потребно да останеме подолго (во Авганистан) – додаде Лајен.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.