Македонски камионџија притворен во Босна затоа што превезувал тројца Авганистанци

Босанската полиција објави дека во областа Брчко бил запрен македонски камион во кој полицијата нашла тројца бегалци од Авганистан. Според босанските медиуми, камионот бил запрен во саботата попладне. Возачот, идентификуван како Ј.С. (48), македонски државјанин, бил приведен и во тек е истражна постапка.

– На лицата од Авганистан им беше укажана помош и тие беа предадени на службата за странски државјани, изјавил Халид Емкиќ, одговорен за односи со јавноста во полицијата во Брчко.

Тројцата Авганистанци биле хоспитализирани поради исцрпеност. Босна засега не е важна алка на балканскиот пат на бегалците, но по затворањето на Унгарија и тензиите на хрватско-српската граница се очекува дека е можно да се развие и босански крак на патот кој пренесува бегалци од Турција преку Балканот до земји од Шенген зоната.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.