Објавени досега невидени фотографии од нападот на 11 септември

Американскиот национален архив објави повеќе од 350 досега необјавени фотографии снимени на 11 септември 2001 година во часовите по терористичките напади на САД.

Фотографиите ги прикажуваат навјисоките официјални лица на САД – од тогашниот претседател Џорџ Буш, преку потпретседателот Диј Чејни, потоа советничката за национална безбедност Кондолиза Рајс, државниот секретар Колин Пауел и шефот на ЦИА Џорџ Тент.

На фотографиите се гледа напнатоста која владееле во просториите во кои се снимени фотографиите.

Дел од фотографиите е забележан во оперативниот центар за итни ситуации, сместен во подземниот бункер во Белата куќа.

Фотографиите се објавени поради барањето на еден документарист кој се повикал на одредбите на американскиот закон за правата за пристап на информациите.

Во нападот на 11 септември загинаа три илјади луѓе, беа ранети повеќе од 6.000 лица, а во октомври 2001 година Америка и сојузниците тргнаа во војна со Авганистан.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.